شعر حب خليجي - حب x رومانسي شعر حب خليجي - حب x رومانسي شعر حب خليجي - حب x رومانسي شعر حب خليجي - حب x رومانسي شعر حب خليجي - حب x رومانسي شعر حب خليجي - حب x رومانسي
شعر حب خليجي - حب x رومانسي
مهما يقولون
مهما يقولون مهما صار مهما تم
أنت البدايات وأخر ساحل ومينا
في هرجة الناس بالعذال لاتهتم
لو هم يحسون فينا ماحكوا فينا
ماعقب شرب الصبر والمر والعلقم
شي على طاري الفرقا يودينا
حنا اجتمعنا وشمل العاشقين التم
خضنا حروب الهوى فزنا وردينا
اهواك ماهي مواويل بها اترنم
ترى المواويل هي اللي تغنينا
منا الوفا ياوفي الروح يتعلم
وكل التعابير تبحر من شواطينا
حبيب عمري حياة القلب خل الهم
تقسي الليالى ولكن ماتقسينا
وان كان جدت جدايد حبنا اقدم
ولاعاش راسٍ على الدنيا يبكينا
نواف بن فيصل
~~
الليله احساسي غريب
عاشق و انا مالي حبيب
حبيت .. كل الناس لاموني
حبيت كل احبابي باعوني
قلت احب الحب احسن
قلت احب الحب اضمن
لا احن ولا اتوه ولا بعد في يوم احزن
رضيت باقداري ونصيبي
صرت محبوب الحبايب
وصار كل عاشق حبيبي
الليله غير
شعوري غير
اشواقي غير
حتى الاغاني غير
صدري سما و احساسي طير
بس طيفك ما تركني
ظل ساكن تحت جفني
كان وافي
كان يذكر وانت جافي
انت وينك ؟
كان هذا الفرق ما بيني و بينك
جيتني تشكي الزمن
و جيتك أبي أدفى
لقيت في قلبي وطن
و لقيت بك منفى
طلال الرشيد - الملتاع
~~
حبيبتي كل العواذل تشابه ..... قلبٍ ظلام ووجه يشبه للأصحاب
ولا ما غدى لك صاحبٍ ينحكى به ..... لا تسمعي أن كان لك قلب وأحباب
إلى مشيت الدرب يلهث سرابه ..... وإلى سكنت الدار ناداني الباب
وشلون أنام وهم قلبي صوابه ..... والشوك ينبت بين جفنين وأهداب
تعبت امني .. الأسئلة بالاجابة ..... وانطر شروق الشمس والشمس بغياب
وتعبت أناظر والمعنى عذابه ..... أنك بعيده والملا دونك حجاب
اجمع كلام وما أعرف الإجابه ..... وعندي شعور صدق والوقت كذاب
كل النجوم اللي امطرت من سحابه ..... حبيبتي دمعك جرح قلب واتراب
واللي وقف ما بين بابي وبابه ..... قلبٍ ظلام .. ولابس ثوب الأصحاب
العواذل الشاعر طلال الرشيد
موضوع: مهما يقولون 